എന്റെ ഉപ്പയുടെ കവിത : ഉള്ളോര്‍ക്ക് മാത്രം

പൊറുക്കുന്നോനെ വെറുക്കുന്നു നമ്മള്‍

കടത്തില്‍ കുടുങ്ങിയാല്‍ കടും കൈ കാട്ടുന്നു

ഉള്ളേടത്തുള്ളവനെ ഉണ്ണാന്‍ വിളിക്കുന്നു

ഉള്ളോര്‍ക്ക് മാത്രമായ് സദ്യയും നടത്തുന്നു

ഇല്ലതോനിലയിടാന്‍ ആരുമില്ല

വെള്ളത്തടാകത്തില്‍ പെയ്യും പേമാരിയും

ഉള്ളോര്‍ക്കായുള്ള ദാനവും

നട്ടുച്ച നേരത്തെ ദീപ പ്രകാശവും

വ്രഥാ എന്ന വേദത്തിലുപമയും

നിത്യ ജീവിതം അതില്‍ സ്മരിക്കുവാന്‍

നാളെത്ര കഴിയുമേ നാഥാ ....

നില്ക്കൂ ..... നീ നിമിഷ നേരം

നിന്നിലെ ചെയ്തികള്‍ കേള്‍ക്കാന്‍

ഇന്നത്തെ കല്യാണ സദ്യയും

സല്‍ക്കാര സമ്മാന ദാനങ്ങളും

ഉള്ളോര്‍ക്ക് മാത്രമോ സംശയം;

-EM PALATH

നിങ്ങളുടെ അഭിപ്രായങ്ങള്‍ empalath@gmail.com ലേക്ക് അയക്കുക

വിരല്‍ ചൂണ്ടുക; സ്വന്തത്തിലേക്ക്....

സ്വന്തം കണ്ണിലെ തടി എടുത്തു കളഞ്ഞിട്ടല്ലാതെ മറ്റുള്ളവരുടെ കണ്ണിലെ കരട് എടുത്തു മാറ്റാന്‍ സാധിക്കില്ല.....

പുകവലിക്കുന്ന പിതാവിന് തന്റെ മക്കള്‍ പുകവലിക്കരുതെന്ന് എങ്ങനെ നിര്‍ബന്ധം പിടിക്കാനാകും .....!!?

നമ്മുടെ അധികാര പരിധിയില്‍ വരുന്നവരുടെ തെറ്റുകളും കുറ്റങ്ങളും തിരുത്താനുള്ള കടമ നമുക്കുണ്ട് എന്നത് ശരി തന്നെ , എന്നാല്‍ നാം അങ്ങനെ ചെയ്യാന്‍ മുതിരുമ്പോള്‍ അതിനുള്ള ധാര്‍മികാവകാശം നമുക്കുണ്ടോ എന്ന് നാം ഉറപ്പു വരുത്തിയെ മതിയാകൂ .....

തെറ്റുകള്‍ കണ്ടാല്‍ അതിനെതിരായി നാം ശബ്ദമുയര്‍ത്തണം. അതുപോലെ ധര്‍മത്തിനും നീതിക്കും വേണ്ടി സുധീരം അടരാടുകയും വേണം.എന്നാല്‍ എന്തിനും ഏതിനും കുറ്റം പറയുകയും പഴിചാരുകയും മാത്രം ചെയ്തത് കൊണ്ട് എന്ത് നേടാനാണ് ......?

സ്വയം തെറ്റുകള്‍ തിരുത്തി നന്മകള്‍ പകര്‍ന്നു നല്‍കാനുള്ള "ചുവട്"വെപ്പുകള്‍ നമ്മില്‍ നിന്ന് ഉണ്ടാവട്ടെ ..പ്രാര്‍ത്ഥനയോടെ .........

നാഥന്റെ നാമത്തില്‍ .......

എന്റെ സ്വപ്നം പൂവണിഞ്ഞു .....

എഴുത്തിന്റെ മേഖലയില്‍ ആധുനിക സൗകര്യങ്ങള്‍ ഉപയോഗപ്പെടുത്താന്‍ നിര്‍ദേശിച്ച എന്റെ ഉപ്പക്കും ,

ബ്ലോഗിന്റെ ബാലപാഠങ്ങള്‍ പകര്‍ന്നു നല്‍കിയ "മലയാളി" സാഹിബിനും കടപ്പാട് രേഖപ്പെടുത്തിക്കൊണ്ട് ഞാന്‍ തുടങ്ങുന്നു ....